Хэдэн жилийн өмнө хүүхэд болгонд тетрис нэртэй жижиг тоглоомтой байдаг байсан бол өнөө үед хүүхэд залуус онлайнаар тетрис тоглоомыг тоглох нь элбэг болжээ. Харин энэ нь Тетрис хэзээ ч хуучирдаггүйн сонгодог жишээ гэж болно.

Харин саяхан зохион бүтээгчид Тетрисийн фэнүүдэд зориулан нэгэн сэрүүлэгтэй цаг гаргажээ. Энэхүү цагны товчнууд нь тетрисийн дүрснүүдтэй адил хэлбэртэй бөгөөд LCD дэлгэцтэй аж. Цаг болон минут солигдох үед тетрисийн дүрсүүд дээрээс бууж ирж тоог үүсгэх ба яг л тетрис тоглож байгаа мэт харагдах гэнэ. Мөн сэрүүлэг дуугарахдаа тетрис тоглоомын хөгжим эгшиглэх аж. Тетрис цаг нь 40 ам.долларын үнэтэй юм байна.