УИХ-ын чуулганы нэгдсэн хуралдаан өнөөдөр үдээс хойш 15.00 цагт зарлагдах төлөвтэй байгаа бол үдээс өмнө УИХ дахь Ардчилсан намын бүлэг хуралдах аж. Гэхдээ одоогоор цаг товлоогүй байгаа юм байна.

УИХ-ын чуулганы нэгдсэн хуралдаанаар өчигдөр Өргөдөл, гомдлын байнгын хороог нэмж байгуулахаар болж хуулийн төслийг баталсан. Мөн уг хууль батлагдсанаар УИХ-ын гишүүн нь гурав хүртэлх байнгын хороонд харьяалагдах боломжтой болж буй билээ. Тиймээс УИХ дахь Ардчилсан намын бүлгийн хувьд байнгын хороодыг байгуулах асуудлын хүрээнд ярилцах бололтой.