Спортын их бүлд багтаж, эх орныхоо нэрийг дэлхийн тавцанд цуурайтуулахаар хослон зүтгэж яваа спортын гэр бүл цөөнгүй. Тэсвэр тэвчээр, хатуужил, эр зориг гаргаж, өөрийгөө ялан дийлэхийн цаана орших амжилт өөд тэмүүлж яваа бахархам хосууд өдгөө ч Лондонгийн олимпийн талбарт өрсөлдөж байна. Олимпийн галын шугамд биеэ бэлтгэн буй Монголын тамирчдаас О.Гүндэгмаа + Х.Цагаанбаатар, С.Ням-Очир + П.Лхамдэгд, Ц.Мөнхзаяа + Х.Болдбаатар, Б.Сэр-Од + О.Оюунтуяа гээд их спортод сэтгэл зүрхээ зориулсан гэр бүлийн гишүүд багтжээ. Ялалтын амтаа хуваалцаж, ялагдлын гашуунаа дундалж, хоёр биенээ ирлэж яваа хосууддаа амжилт хүсье.