Монгол Улсын филармонийн гоцлол дуучин, “Voice” группийн дуучин Д.Отгонжаргалыг урлагт хайртай хэн бүхэн чадалтай хоолойтой, үзэсгэлэнтэй дуучин хэмээн үнэлдэг. Тэрбээр дуулах ур чадвартаа анхаарахыг сацуу гоо сайхандаа цаг гарган долоо дахь жилдээ “Гоолингоо” бүжгийн клубт хичээллэж байгаа ба түүний гоо сайханы нууц бүжиг гэдэгтэй ч тэрбээр санал нийлдэг гэнэ шүү. Мөн тэрбээр 2010 онд драмын тайзнаа анх гарч “Хязгааргүй” моно операд тоглон “Гэгээн муза” наадмын дуулалт жүжгийн төрөлд “шилдэг эмэгтэй дүр”-д шалгарч “муза” гардан авч байсан бол одоо дэлгэцийн урлагт хүч үзэн “Ану хатан” киноны Анугын дүрийг бүтээгээд завгүй яваа юм.