УИХ-ын Төрийн байгуулалтын байнгын хорооны хуралдаан болж УИХ дахь Ардчилсан намын бүлгээс тус байнгын хорооны даргад УИХ-ын гишүүн А.Бакейг нэр дэвшүүлснийг гишүүд 100 хувийн саналаар дэмжиж баталлаа. Хуралдаанд оролцсон гишүүдээс нэр дэвшигчээс асуулт асууж, санал хэлэх гишүүн байсангүй. Тиймээс энэ асуудлыг УИХ-ын чуулганы нэгдсэн хуралдаанд оруулахаар болж шийдвэрлэлээ.

УИХ дахь Ардчилсан намын бүлгийн хуралдаан одоо дахин үргэлжлэх болж байна. Учир нь тус бүлэг бүлгийн хуралдааныхаа дундуур УИХ-ын Төрийн байгуулалтын байнгын хороог хуралдуулж ийн байнгын хорооны даргад нэр дэвшигчийг дэмжин баталсан юм.