Бээжингийн олимпийн наадмын үеэр тэдний Ажилчдын спортын ордонг нураах шахсан монголчуудын буухиа Лондонд тасрахгүй нь. Бокс, жүдогийн тэмцээн явагдаж буй Эксель ордонд Монгол тамирчны тоглолттой үеэр хаашаа ч харсан монгол. Лондонд амьдардаг монголчууд болон нутгаас ирсэн жуулчид 31-ний өдөр П.Сэрдамба, У.Мөнх-Эрдэнийн тоглолтыг үзнэ гэж өдрийн ээлжний 400 гаруй тасалбар авсан байсан боловч сугалаа гарсны дараа П.Сэрдамба гоц мөргөхөөр болж, У.Мөнх-Эрдэнэ оройн ээлжинд тоглохоор болж тэднийг багагүй бухимдуулав. Монголчуудынхаа тоглолтыг үзэхэд асуудал үүссэн тэд Лондонгийн олимпийн наадмыг зохион байгуулах хороонд хүсэлт гаргаж, хэвлэл мэдээллийн байгууллагад хандсанаар бүх тасалбараа солиулж, оройн ээлжний тасалбар болгожээ. Эксель ордонд уухайн дуу наймдугаар сарын 12 хүртэл тасралтгүй хадаж, Монголчууд олон олон алт, мөнгө, хүрэл медаль авах болтугай.