УИХ дахь Ардчилсан намын бүлэг Төрийн ордны “А” танхимд хуралдаж байна. Түүгээр МАН-аас тавьсан “Зөвшилцөл үргэлжлэх ёстой” гэх хүсэлтийг хэлэлцэж байгаагийн зэрэгцээ бүлгээс байгуулагдсан ажлын хэсгийнхний мэдээллийг сонсч буй гэх мэдээлэл байна. Тус бүлэг нь өнгөрсөн даваа гаригт ээлжит хуралдаанаа хийх үеэрээ ажлын хэсгүүд байгуулсан юм. Тухайлбал, цахим үнэмлэх олголт ямар шатанд яваа, нийт авах ёстой иргэдийн хэдэн хувьд хүргэснийг судалж мэдэх ажлын хэсэг байгуулсны зэрэгцээ төсөв, санхүүгийн байдлыг судлах үүрэг бүхий ажлын хэсгийг мөн байгуулсан билээ.