Энэ зун хур бороо элбэг байгаа тул зах, худалдааны төв, хотын төвийн дэлгүүрүүд борооны шүхэр, усны гутал хамгийн их эрэлттэй, гүйлгээ сайтай бараагаар нэрлэгдээд байгаа гэнэ. Ялангуяа усны гутал загвар хийцийн хувьд өргөн сонголт бүхий, дээр нь үнийн хувьд тун боломжийн байгаа харагдсан шүү. “Нарантуул” зах дээр богино түрүүтэй усны гутал 10 мянган төгрөгөөс эхлээд материал хийцээсээ хамрааран 30 мянга хүртэлх төгрөгөөр худалдаалагдаж байсан бол III, IV хорооллын дэлгүүрүүдэд 15-40 мянган төгрөг, Хотын төвийн дэлгүүрүүдэд 20 мянгаас дээш үнээр худалдаалж байна. Түүнчлэн бороотой өдөр хүний хөл хөдөлгөөн ихтэй газар иргэд гар дээрээс усны цувыг 500-3500 төгрөг,  борооны шүхрийг 5000-30000 төгрөгийн үнэтэй борлуулж байна.