Говийн бүсийн “Их мандал 2012”, Дундговь аймаг байгуулагдсаны 71 жилийн ойн даншиг наадам цаг агаарын байдлаас болж товлосон өдрөөсөө нэг өдрийн хойно эхэлсэн. Бөхийн болон сурын харваагаар эхэлсэн наадмын хоёр дахь өдөр хурдан морьдын уралдаан азарганы уралдаанаар эхэлсэн байна. Уг наадмын үеэр зургаан насны хурдан морь уралдах байсан боловч Дундговьд үргэлжлэн орж байгаа усархаг борооны улмаас өчигдөр болох байсан дааганы уралдааныг мөн хойшлуулжээ.