Үндэсний дуу, бүжгийн эрдмийн чуулгын урилгаар БНСУ-ын Үндэсний театрынхан ирэх наймдугаар сарын 6-нд Монголд ирэхээр болжээ. Тус театрынхан захирал, найруулагч, хөгжимчид зэрэг олон улсад алдартай 12 уран бүтээлчийн бүрэлдэхүүнтэй “Тал хээрийн Ариран” тоглолтоо ирэх наймдугаар сарын 10-нд 15.00 цагт Монголын үзэгчдэд толилуулах юм байна. Уг тоглолтоор солонгосын соёл урлагийн ертөнцийн гайхамшгаас монголчуудад сонирхуулахаар зэхэж буй уран бүтээлчид үндэсний болон орчин үеийн хөгжим, бүжгийн хөтөлбөрүүдээс гадна багахан хэмжээний үзэсгэлэн зохион байгуулах гэнэ.

Мөн ҮДБЭЧ-ын уран бүтээлчидтэй хамтран ажиллах төлөвлөгөөний хүрээнд олон сонирхолтой арга хэмжээ, шоу тоглолт хийхээр болжээ.