"Лондон-2012" зуны XXX олимпийн наадмын боксын төрөлд өрсөлдөх Монголын ширэн бээлийтнүүдийн салхийг хагалж, ОУХМ Б.Түвшинбат эрэгтэйчүүдийн 69 кг-ын жинд эхний тулаанаа хийж, Габоны тамирчин Янник Митоумба Мбемиг яллаа. Улаан булангаас гарч тоглосон манай тамирчин 17-4 (5-1, 6-1, 6-2) харьцаатай ялалт байгуулав.

Түүний дараагийн өрсөлдөгч нь Францын Алексис Вастин юм. Тэрбээр дараагийн тулаанаа наймдугаар сарын 3-нд хийнэ.