Монголын мянганы сорилтын сан, Нийслэлийн Эрүүл мэндийн газрын хамтарсан "Эрүүл зохистой зөв хооллолт, идэвхтэй хөдөлгөөн"-ийг дэмжих гурван сарын үндэсний аян энэ сарын 27-нд эхэлжээ. Энэ удаагийн кампанит ажлаар эрүүл зөв хооллолтын дэглэмд суралцах, өдөрт 30 минут идэвхтэй хөдөлгөөн хийх чиглэлд иргэдийг уриалсан ажлууд хийхээр төлөвлөжээ.

Мөн МҮОНРТ, Эх орон, ЕТВ, МҮОНТ, Улаанбаатарын радиогоор зөв хооллолт, идэвхтэй хөдөлгөөний ашиг тус, хэрхэн зөв хооллох, хөдөлгөөний дутагдлаа хэрхэн шийдэх нэвтрүүлэг цацахаас гадна иргэн бүрт хүрч ажиллах аргыг ч хэрэглэх юм байна.