“Лондон-2012” зуны XXX олимпийн наадмын тэмцээн, уралдааны эхний өдөр буюу өчигдөр спортын долоон төрөлд нийт 12 багц медаль буюу нийт 12 алт, 12 мөнгө болоод 14 хүрэл медаль эздэдээ очлоо.

Буудлага спортын эмэгтэйчүүдийн 10 метрийн хийн урт бууны төрөлд олимпийн анхны аваргын алтан медаль хүртсэн Хятадын тамирчид энэ өдөр дөрвөн алт, хоёр хүрэл, нийт зургаан медаль хүртсэн амжилтаар медалийн хүснэгтийг тэргүүлж эхэллээ.

Тэдний араас Итали /2-2-1/, АНУ /1-2-2/-ын багууд тус бүр тав, Бразили /1-1-1/ болон БНСУ-ын /1-1-1/ баг тамирчид тус бүр гурван медаль хүртсэнээр удаалж байна.

Олимпийн эхний өдөр нийт 19 орны баг тамирчид медаль хүртсэн байна.