Монгол Улсын Ерөнхийлөгч Ц.Элбэгдорж "Лондон-2012" олимпийн наадмыг зохион байгуулагчдын урилгаар Лондон хотноо олимпийн наадмын нээлтийн үйл ажиллагаанд оролцож байна.

Тэрбээр Ерөнхийлөгчийг дагалдан явах хүндэт хоёр зочноор гэмтлийн улмаас Лондонгийн олимпийг өнжихөөс аргагүйд хүрсэн, Бээжингийн олимпийн аварга, Монгол Улсын Хөдөлмөрийн баатар, Гавьяат тамирчин, Ерөнхийлөгчийн орон тооны бус спортын зөвлөх Э.Бадар-Ууган болон Гандантэгчинлэн хийдийн тэргүүн хамба Д.Чойжамц нарыг сонгосон билээ.