Будант Албьоны нийслэл Лондон зуны XXX олимпийн наадмын нээлтийн үйл ажиллагаа албан ёсоор эхэллээ. Орон нутгийн цагаар 21.00, Монголын цагаар 04.00 цагт эхэлсэн нээлтийн ёслол гурван цаг орчим хугацаанд үргэлжилнэ гэж байгаа. "Лондон-2012"-ын нээлтийн ёслолын уран сайхны найруулагч Дэнни Бойлын чухам ямар сюрприз бэлтгэснийг дэлхий нийтээрээ харж сууна.

Зуны олимпийн наадмыг гурав дахь удаагаа хүлээн авч буй Лондон хот Их Британи гүрний өв соёл, түүх дурсгал, уламжлалыг илтгэх бүхий л зүйлсийг багтаахыг хичээсэн гэдгийг зохион байгуулагчдын зүгээс мэдэгдсэн билээ.

Яг одоо олимпийн урлагийн тоглолт үргэлжилж, бөмбөрийн шоуг сонирхуулж байна.