“Лондон-2012” зуны олимпийн наадмын байт харвааны тэмцээний эмэгтэйчүүдийн ганцаарчилсан төрөлд цэц сорьж буй Монгол Улсын тамирчин, ОУХМ Б.Урантунгалаг дөнгөж сая урьдчилсан харваанд 72 сумаа харвалаа. Чансаа тогтоох харваанд тэрбээр 652 оноо авснаар 18 дугаар байрт эрэмбэлэгдэв. Ингэснээр манай тамирчин долдугаар сарын 30-нд болох эхний тойргийн харваанд Их Британийн тамирчин Алисон Уилльямсонтой өрсөлдөх болж байна. Талбайн эзэн орны тамирчин нь урьдчилсан харваанд 629 оноо авснаар 47 дугаар байрт бичигдсэн юм.

Урьдчилсан харваанд БНСУ болон Тайванийн тамирчид илүүрхэж, эхний гурван байрт эрэмбэлэгдлээ.