МАН-ын Бага хурлын VI хуралдаанаас өчигдөр Нийслэлийн намын хорооны хуралдааныг ойрмогхон зарлахыг үүрэг болгосон байна. Энэ нь МАН-ын Нийслэлийн намын хорооны удирдлагууд хариуцлагаа ухамсарлаж, шинэ удирдлагыг томилон бүтэц бүрэлдэхүүндээ өөрчлөлт хийхийг сануулсан үүрэг даалгавар хэмээн намын нөхөд нь үзэж байна. Учир нь МАН энэ удаагийн Нийслэлийн ИТХ-ын сонгуульд ялагдал хүлээсэн тул удирдлагуудаа өөрчлөх ёстой гэж үзжээ. Тиймээс МАН-ын Нийслэлийн намын хорооны зүгээс удахгүй хурлын тов гаргах болж байна.