Амеркийн дуучин, жүжигчин Ник Лаше Twitter хуудсан дээрээ удахгүй төрөх эхнэр Ванесса Минниллогийнхоо зургийг оруулжээ. Ванесса нь Америкийн нэрт топ медель, жүжигчин бүсгүй билээ. Хосууд өөрсдийн Twitter хуудсанд ийнхүү зургаа тавьсан нь олны атаархлыг их л төрүүлсэн бололтой. Түүнчлэн тэрбээр дээрх зургийг тавиад “Миний аз жаргал, миний гэр бүл шүү, залуус аа” хэмээн бичсэн байна. Жүжигчин Ник Лаше  одоогоор 38 настай, харин түүний эхнэр Ванесса 31 настай гэнэ. Ник өөрийн Twitter дээрээ “Ванесса ирэх есдүгээр сарын эхээр төрнө. Бид хүүхэд маань удахгүй хорвоод мэндлэх гэж байгаад их баяртай байгаа. Гэвч Ванесса төрөх хугацаа нь дөхөхөд баярлаж байгаа ч жаахан айж байгаа. Гэхдээ би түүний сэтгэл санааг  тайван байлгах тал дээр хичээж байна” хэмээн бичжээ. Никийг Америкийн алдарт “98 Degrees” хамтлагийн гишүүн гэдгээр нь олон нийт сайн мэдэх билээ. Тус хамтлаг 1996 онд байгуулагдаад байсан ч дөрөвхөн жилийн дараа буюу  2000 онд тарсан байна. Гэсэн хэдий ч “98 Degrees” хамтлаг дөрөвхөн жилийн дотор дэлхий дахинд нэрээ цурайтуулсан алдартай хамтлагуудын тоонд ордог байна. Хамтлаг ойрын үед  эргэн нэгдэж, шинэ уран бүтээл гаргах талаар ярилцаж байгаа гэнэ.