Монгол Улсын Ерөнхийлөгчийн дэргэдэх Иргэний танхимд ерөнхий боловсролын сургуулиудад үздэг “Монголын уламжлалт сэтгэлгээ ба арга билгийн ухааны үндэс” хичээлийн агуулга, сэдвийн талаар нээлттэй хэлэлцүүлэг болж байна. Түүнд их, дээд, дунд сургуулийн багш нар,эрдэмтэн судлаачид, лам хуврагууд оролцож байр сууриа
илэрхийлж байгаа юм.

Тэд Монголын үнэт зүйл гэж юу болох, ямар төлөвшил, хүмүүжилтэй хүн төгсгөж гаргах талаар хэлэлцэж байна. Оролцогчид Буддын сургаалийг амьдралд ойрхон хэлбэрээр таниулах, хичээлийн нэрийг Монгол ухаан гэж өөрчлөх, цаг дутсан дурын багшаар бус гүнзгий мэдлэгтэй хүнээр заалгах зэрэг санал гаргацгаалаа. Мөн гаднын шашныг хэрхэн үзэх, хичээлд гадаад нэр томъёо оруулахгүй байх, нэг үе хэрэгжүүлж байгаад орхисон Монгол зан үйлийн өргөөг сургуулиудад сэргээх талаар ярьцгааж байна.

Д.ОЮУН