Английн хөлбөмбөгийн ‘icon’ гэгдэх Дэвид Бэкхэм баасан гаригт болох “Лондон-2012” зуны XXX олимпийн наадмын нээлтийн ёслолын нэгээхэн хэсэгт оролцох хувь тохиожээ. Энэ тухай мэдээлэл албан ёсоор батлагдсан ч чухам аль хэсэгт оролцож, ямар үүрэг гүйцэтгэх тухай зохион байгуулах хорооныхон чандлан нууцалж байгаа гэнэ.

Долоон жилийн өмнө олимпийн зуны наадмыг зохион байгуулах эрхээ авсан цагаас эхлэн олимпийн их ажилд биечлэн оролцож явсан Дэвид Бэкхэмийн хувьд олимпийн нээлтийн ёслолд оролцох нь зүйн хэрэг хэмээн зохион байгуулагчид онцолжээ. Мөн Зүүн Лондонгоос гаралтай түүнийг мөн олимпизм, спортын үзэл санааг ойлгон дэмждэг, үнэхээр жишиг болсон олимпийн зүтгэлтэн хэмээн тодотгосон байна.