“Цахилгаан тээвэр” компанийн Вокзал-Ботаник чиглэлийн троллейбусны цахилгаан дамжуулах хоёр сэрээний нэг нь мултарч автомашины урд шилийг нэвт цохин зорчигч, жолоочийг гэмтээсэн осол өчигдөр гарчээ. Осол Төв шуудангийн өмнөх замд гарсан бөгөөд  29-21 УБП улсын дугаартай машины цонхыг хагалж, жолоочийн нүдэнд шилний хагархай орсон байна.

Сүхбаатар дүүргийн замын цагдаагийн тасгийнхан тролейбусны гэмтлийн шалтгааныг тогтоохоор ажиллаж байгаа аж.