Холливудын жүжигчин Жессика Альбагийн дөрвөн настай бяцхан охин Онор нь дугуй унаж сурчээ. Харин  Альба ба түүний нөхөр  Кэш Уоррен нар охиноороо үнэхээр их бахархаж буйгаа илэрхийлэн дугуй унаж буй зургийг нь интернэтэд тавьсан байна. Кэш Уоррен бяцхан охиныхоо  жижиг ягаан дугуйгаа унаж буй зургийг нь өчигдөр интернетэд тавьжээ. Тэрбээр охиныхоо аюулгүй байдалд санаа тавьж, түүнд хамгаалалтын дуулга өмсгөсөн байсан байна. Бяцхан охиныг  анх дугуй унаж сурахад тэнд байсан хүмүүс өхөөрдөн харж байсан гэнэ. Энэхүү баярыг тэмдэглэхээр Альба нөхөр хоёр охины хамт Беверли-Хиллзд оройн зоог барьжээ.

Жессика Альба, Кэш Уоррен нар 2008 оны тавдугаар сард гэрлэж, охин  Онор нь удалгүй төрсөн билээ. Тэд мөн өнгөрсөн онд Хэвен гэдэг охинтой болсон. Бяцхан Хэвен одоо 11 сартай юм.