Японы 38 настай нэгэн иргэн Ламборжини маркийн автомашиныг зөвшөөрөгдсөн хурднаас хоёр дахин хурдтай жолоодож буй бичлэгээ Youtube сайтад байршуулжээ. Бичлэг нь хэдийгээр үзэгчдийн анхаарлыг ихээхэн татаж, их үнэлгээ авсан боловч түүнийг шоронгийн хаалга татахад хүргэсэн байна.

Тэрбээр бичлэгээ интернетэд байрлуулснаас хойш дөрвөн сарын дараа цагдаа нар үзсэн ба түүнийг хурд хэтрүүлсэн хэргээр Хирошима хотноо баривчилжээ. Тэрбээр зургаан сар хоригдох, эсвэл 100 мянган иенийн торгууль хүлээх аж.