Монголын урлагийн ертөнцийн залуу халааг “Universe Best Songs”, “To be or not be”, “TV miss” зэрэг реалити шоугаараа харамгүй бэлддэг UBS телевиз залуу боловсон хүчнээрээ онцгойрдог. Залуухан, хүсэл эрмэлзэлтэй, чадварлаг, дээр нь царайлаг залуусыг таньж, эгнээндээ нэгтгэдэг UBS телевизийн нүүр царай нь хөтлөгчид байдаг. Тэгвэл нэг UBS телевизийн “тогоон” дотроос нэгэн царайлаг хос мэндэлсэн нь баяр наадмын өдөр олонд ил боллоо.

“Хэцүү анги”, “Миний муу аав” кинонд тоглосон Э.Уянга, “To be or not be” театрчилсан реалити шоуны хөтлөгч Ц.Чойжилсүрэн нар наадмын нээлтийн өдөр хөтлөлцөн, Төв цэнгэлдэх хүрээлэн тойрч харагдсан. Телевизийн найруулагч хосын охин Э.Уянга МУИС-ыг Утга зохиолын ангийг ирэх жил төгсөх ч чамгүй өндөр босготой гэгддэг UBS телевизийн босгыг давж бүр сэтгүүлч болсон байна. Залуу хосдоо эв эетэй байж, урлагийн гэр бүлийнхний тоог нэгээр нэмэхийг хүсч байна.