Нийслэлийн Яаралтай тусламжийн төвд 14.30 цагийн байдлаар иргэдээс 632 дуудлага иржээ. Үүнээс яаралтай тусламж үзүүлэх шаардлагатай гэж үзсэн 133-т нь тус төвийн эмч нар очиж анхны тусламж үзүүлсэн байна. Ачааллын хувьд бусад өдрүүдтэй харьцуулахад өндөр аж. Энэ нь ням гаригт өрхийн эмнэлгүүд ажилладаггүй амардагтай холбоотой бололтой. Ирж байгаа дуудлагын дийлэнх хэсэг зүрх өвдсөн, даралт ихэссэн гэх өвчлөл зонхилжээ.

Иргэдэд яаралтай эмнэлгийн тусламж үзүүлэхийн тулд Нийслэлийн Яаралтай тусламжийн төвийнхөн 15 эмч, мөн тооны жолооч ажиллаж байна гэсэн мэдээллийг тус төвөөс өглөө.