Долдугаар сарын 18-ны өдөр Болгар
улсын Бургас хотод террорист халдлага болж, олон хүний амь үрэгдсэн
билээ.  Монгол Улсын Гадаад харилцааны яам энэ үйлдлийг эрс буруушааж,
балмад үйлдлийн улмаас амь үрэгдсэн хүмүүсийн ар гэрийхэнд гүн эмгэнэл
илэрхийлсэн байна.

ГХЯ-ны мэдэгдэлд “Монгол Улс олон улсын террорист аливаа үйлдлийг үл
тэвчин, эсэргүүцэн тэмцэж ирсэн бөгөөд цаашид ч энэ байр сууриа тууштай
баримтлах болно” гэжээ.