Шведийн
эрдэмтэд  Монголын Тост уулнаас  ирвэсний зулзага  барь­жээ. Энэ бол
ховорхон завшаан бөгөөд биологийн төрөл зүйлийн хувьд бараг устаж мөхөх
ирмэгт  ирээд байгаа энэ хөхтөн амьтныг хам­гаалж аврах  зорилгоор тэд
ийн судалгааны ажлыг  Монголд эх­лүүлээд байгаа юм.  Ирвэсний ийм нялх
зулзагыг харах завшааныг тэд 1982 оноос эхлэн хайж байсан гэж судалгааны
багийн ахлагч  Орьян Юханссон өгүүлжээ.

Тус багийнхан 2008
оноос эх­лэн ирвэс барих, тэдэнд радио дамжуулагч GPS  зүүж амьдралыг нь
судалж байгаа юм. Тэд энэ хугацаанд нийтдээ 19 ирвэсэнд цахим
дам­жуулагч зүүжээ. Биологчдын тоо­цоолж байгаагаар эдүгээ дэлхий дахинд
ердөө 4-7 мянган ирвэс байгаа бөгөөд эдгээрээс 600-700 Монгол оронд
байгаа ажээ.