Өнгөрсөн мягмар гаригийн үдэш Америкийн жүжигчин Холли Берри "The Hive" хэмээх  киноны  зураг авалтын тулалдаантай үзэгдлийн үеэр толгойдоо гэмтэл авч, Лос-Анжелосийн эмнэлэгт хүргэгджээ.

Түүнийг яаралтай эмнэлэгт хүргэсэн бөгөөд даруй эмчилгээ хийж эхэлсэн байна. Энэ тухай түүний хэвлэлийн төлөөлөгч хэвлэлийнхэнд мэдэгджээ. Энэхүү киног  Troika Pictures болон WWE Studios хамтран бүтээж байгаа юм байна. "The Hive" кинонд Америкийн залуу жүжигчин Эбигейл Бреслин болон мэргэжлийн бөх Дэвид Отанга нар түүнтэй хамтран тоглож байгаа ажээ.