Холливуудын дуулиант од Линдсей Лохан саяхан "Liz & Dick" кинонд Элизабет Тейлорын дүрийг бүтээж  дуусгасан билээ. Энэхүү кинонд тоглож байхдаа тэрбээр осолд орж, эмнэлэгт хүргэгдэх зэргээр нэлээн барцадтай байсан гэхэд хилсдэхгүй.  Тэгвэл тэрбээр өнгөрсөн долоо хоногт шинэ кинонд тоглох санал хүлээн авчээ.

Энэ нь Америкийн зохиолч Брет Истон Эллисийн “Less Than Zero" хэмээх зохиолоос сэдэвлэсэн "The Canyons" гэх кино юм байна. Энэ тухай өчигдөр түүний хэвлэлийн төлөөлөгч мэдэгдсэн байна. Түүний энэ киноны дүрийн саналыг хүлээн авах болсон нэг шалтгаан нь найруулагч Пол Шредер аж. Учир нь Америкийн нэрт найруулагч Пол Шредер "The Canyons"   киноны  найруулагчаар ажиллахаар  болсон юм байна. 

Өмнө нь тэрбээр "Taxi Driver" киног бичиж, "American Gigolo” киног найруулж байжээ. Лохан түүнтэй ажиллах болсон нь түүний хувьд аз завшаан гэж мэдэгдсэн байна. "The Canyons"   кинонд тэрбээр Америкийн насанд хүрэгчдийн киноны од Жеймс Дин болон Америкийн найруулагч, зураач, хөгжимчин, гэрэл зурагчин, кино зохиолч Гас Ван Сент  нартай хамтран тоглох ажээ. Энэ киноны зураг авалт ирэх долоо хоногт эхлэх юм байна.