Английн алдарт хөгжимчин Питер Андрегийн шинэхэн хайр дурлалын эзэн нь Эмили Макдона нэртэй бүсгүй гэнэ. Хосууд найзалж эхлээд удаагүй байгаа ч тэд сүүлийн үед ихэнх цагийг хамт өнгөрүүлэх болжээ. Одоогоор 39 настай хөгжимчин Питерийн найз бүсгүй анагаахын сургуульд суралцдаг, 23 настай залуухан бүсгүй гэнэ. Тэд өнгөрсөн тавдугаар сард Лондонгийн Piccadilly Theatre-т болсон Ghost The Musical—ийг үзэж байгаад албан ёсоор танилцжээ. Хосуудын хамгийн анхны паппарацид өртсөн зураг нь өнгөрсөн долоо хоногт Лондонгийн төв хэсэг болох Мейфэрт нэгэн Тай үндэстний тансаг зоогийн газар оройн зоог барихаар хамтдаа явж байгаа зураг гэнэ. Энэ долоо хоногийн эхээр Питер шинэхэн хайрын романсын тухай Лондоны “New” сэтгүүлд мэдээлсэн байна. Петер шинэ найз бүсгүйн аав болох Руарайд Макдонагаар эмчлүүлснээс хойш түүнийг анх мэддэг болсон гэнэ.