Дорноговь аймгийн үндэсний баяр наадмын сурын харваанд нийт 40 гаруй мэргэн харваач цэц мэргэнээ сорилоо. Эрэгтэйчүүдийн харваанд спортын мастер Адъяанямын Энхтайван 30 оноогоор, эмэгтэйчүүдийн харваанд УБТЗ-ын дохиолол холбооны 3-р ангийн харваач Доржийн Энхсайхан 23 оноогоор тус тус түрүүлж “Аймгийн мэргэн”-ий болзол хангажээ.

Хүүхдийн харвааны хөвгүүдийн төрөлд Б.Батням 22 оноогоор түрүүлж, Б.Сүхбат 16 оноогоор II байр, Д.Баяржавхлан 12 оноогоор III байр, охидын харвааны төрөлд Э.Ариунсайхан 29 оноогоор тэргүүн байр, Э.Биндэръяа 23 оноогоор II байр, Э.Сайханчимэг 17 оноогоор III байр тус тус эзлэв.