Үндэсний статистикийн хорооноос долоо хоног, cap, улирал, хагас жил тутмын нийгэм, эдийн засгийн салбарын үзүүлэлтийг дүгнэдэг. Энэ удаа тус хорооноос өнөө жилийн эхний хагасын нийгэм эдийн засгийн үзүүлэлтүүдийг дүгнэж, олон нийтэд танилцуулсан юм. Манай улсын хувьд ойрын хоёр жилийн хугацаанд эдийн засгийн өсөлт маш эрчимтэй нэмэгдэж байгаа билээ. Үүнд нөлөөлж буй хамгийн гол хүчин зүйл нь дотоодын нийт бүтээгдэхүүн /ДНБ/ байдаг. Статистикийн хорооноос ДНБ-ий өсөлтийн хэмжээг үйлдвэрлэлийн, эцсийн ашиглалтын гэх хоёр аргаар тооцон гаргажээ.

Тухайлбал, үйлдвэрлэлийн аргаар тооцсон дотоодын нийт бүтээгдэхүүний хэмжээ 2011 оны гүйцэтгэлээр, оны үнээр 11087.7 тэрбум төгрөг, 2005 оны зэрэгцүүлэх үнээр 4891.8 тэрбум төгрөгт хүрч, өмнөх оныхоос оны үнээр 2673.2 тэрбум төгрөг буюу 31.8 хувь, зэрэгцүүлэх үнээр 729.1 тэрбум төгрөг буюу 17.5 хувиар өссөн байна. Харин дотоодын нийт бүтээгдэхүүнийг эцсийн ашиглалтын аргаар тооцоход 2011 оны гүйцэтгэлээр тэрбум төгрөг, 2005 оны зэрэгцүүлэх үнээр 4910.5 тэрбум төгрөгт хүрч, өмнөх оныхоос оны үнээр 2708.6 тэрбум төгрөг буюу 32 хувь, зэрэгцүүлэх үнээр 727.5 тэрбум төгрөг буюу 17.4 хувиар өсчээ.