Ардчилсан намыг төлөөлдөг Рид Америкийн олимпийн хороо ичих ёстой гэв. “Миний бодлоор тэд энэ албаны хувцсыг цуглуулан шатаагаад эхнээс нь эхлэх хэрэгтэй” хэмээн сенатор мэдэгдэв. Тэрээр Америкийн нэхмэлийн салбарт шинэ ажлын байрнууд бий болгох ёстой гэсэн байв.
Өөрийн орны Олимпийн хороог түүнээс гадна хоёр гол намын зүтгэлтнүүд шүүмжилсэн байлаа. Учир нь америк тамирчдын дүрэмт хувцсыг Хятадад оёулсан байв. Ralph Lauren компанийн дизаинаар бүтээсэн тэр хувцаснаас ганц ч зүйлийг АНУ-д хийгээгүй гэнэ.
Харин Америкийн үндэсний олимпийн хороо Ralph Lauren компанитай хамтран ажилласнаараа бахархаж буйгаа хэлэхийн зэрэгцээ олимпийн багийг хувийн ивээн тэтгэгч нар санхүүжүүлж байгааг сануулжээ.