Монгол Улсын гавьяат жүжигчин С.Жавхлан сүүлийн үед хэтэрхий гэмээр үндсэрхэг үзэлтэй болоод байгаа. Түүнийг өдөр бүр үндэсний хувцсаараа гангардаг гэдгийг бараг хүн бүр мэддэг болсон. Тэр монгол хувцас өмсөөгүй хүнийг тангууд, сармагчин гэж элдвээр доромжилдог болжээ. Мөн гавьяат гэж дуудсан хүнийг хүртэл үзэн яддаг болжээ.

“Чи зүгээр л дуучин Жавхлан гэж дууд. Гавьяат энэ тэр гэж битгий манж царай гаргаад бай” гэж уурладаг гэсэн шүү. Түүгээр ч зогсохгүй спортоор хичээллэхдээ ч дээлээ тайлахгүй “рекорд” тогтоох гэж байгаа сурагтай. Мөн тэрбээр “Хүн бүр ээждээ хайртай. Харин би дэлхий ээждээ л хайртай” хэмээн үндсэрхэг үзлээ улам баталжээ. Найзууд нь “Жавхаа чи арай унтахдаа үндэснийхээ хувцсыг тайлдаггүй юм биш биз? Дайн болбол морьтойгоо цуг дайнд явж байгаад үхэв дээ. Одоо чинь XIII зуун биш, XXI зуун гэдгийг санаарай” гэж цаашлуулах болсон аж.

Б.Цолмон