УИХ-д шинээр сонгогдсон АН-ын гишүүд өнөөдөр Төрийн ордонд цугларч хуралдахаар болоод байсан юм. Гэвч тэд хурлынхаа товыг өөрчилжээ. Дөнгөж сая гишүүддээ маргааш буюу “Бямба гаригийн 15.00 цагт Төрийн ордонд цугларна уу” гэсэн урилга тараасан байна.

АН-ын гишүүд маргааш цугларч бүлгийн хурал хийх юм байна. Даваа гаригаас эхлэн УИХ-ын дарга сонгох, эвслийн Засгийн газар байгуулах зэрэг олон ажил эхлэх тул маргааш бүлгээрээ хуралдах нь зүйтэй гэж үзсэн бололтой. Мөн АН-ын ҮЗХ-ыг хуралдуулах тов зарлаж, шинээр ерөнхий нарийн бичгийн дарга сонгох ёстой. Өнөөдөр наадам дуусаагүй байгаа тул хурлыг нэг өдрөөр хойшлуулсан бололтой