Их Монгол Улс байгуулагдсны 806 жил, Ардын хувьсгалын 91 жилийн ойн Үндэсний их баяр наадам энэ жил нар хур тэгширсэн, уухайн түрлэг дунд өргөн дэлгэр болж байна хэмээн наадамчин олон сэтгэл дүүрэн байна. Баяр наадмын өдрийг тохиолдуулж, соёл урлагийн тоглолтуудыг урлагийнхан зохион байгуулж, олны сонорыг мялааж байгаа юм. Өнөөдөр 20.45 цагт “Наадмын үдэш” Монгол төрийн үндэсний их найрал хөгжмийн тоглолт Үндэсний дуу бүжгийн эрдмийн театрт болох гэж байна.