Хүчит бөхийн барилдааны наймын даваанд улсын заан Д.Рагчаа улсын арслан Х.Мөнхбаатарыг өвдөг шороодуулж, наадамчин олныг шуугиуллаа. Энэ жилийн улсын наадмыг Хөвсгөл аймгийн харьяат улсын арслан Х.Мөнхбаатар авчих юм биш байгаа даа гэх хүлээлттэй байсан наадамчин олны тааврыг ийнхүү улсын заан Д.Рагчаа эвдлээ. Одоо есийн даваанд улсын заан Д.Рагчаа, аймгийн арслан П.Бүрэнтөгс нар үзүүр, түрүү булаалдаж, улсын арслан төрөх болж байна.