Алдарт “The Rolling Stones” хамтлаг 50 жилийн түүхээ хамтдаа тэмдэглэхээр бэлтгэл сургуулилтаа хийж буй талаар тус хамтлагийн гитарчин Кейт Ричардс мэдэгдсэн гэнэ. “The Rolling Stones” хамтлаг “алтан ой”-доо зориулж, аялан тоглолт хийх тухай яриа хэдэн жилийн өмнөөс яригдаж байсан аж. Харин хамтлагийн гитарчин ийнхүү ам алдаж, квартет тун удахгүй шүтэн бишрэгчдэдээ гайхалтай тоглолтоор бэлэг барих тухай мэдэгджээ.

Кейт Ричардс “Зарим нэг бэлтгэл ажил хэдийн эхэлсэн. Гэвч яг хэзээ, хаана гэдгийг би одоо хэлж чадахгүй нь” гэжээ. Кейт Ричардсын ам алдсанаар хамтлагийнхан хамтдаа тоглож, хоёр гурван удаа сургуулилт хийсэн аж.  Алдарт “The Rolling Stones” хамтлаг 1962 оны долдугаар сарын 12-нд Лондоны “Marquee” клубт анхныхаа тоглолтыг хийж байснаас хойш 50 жил өнгөрч байгаа гэнэ. Анхны тоглолтоос хойш нэг жилийн  дараа “Come On” дуу нь хит болж байжээ.