-Баярлалаа. Сэтгэл үнэхээр өндөр байна. Өчигдөр их насны морьд хол тасархай түрүүлсэн.  Өнөөдөр соёолон үрээ гарсан цагаасаа өнгөлсөөр  аман хүзүүдлээ. Энэ жил өнгөтэй сайхан наадаж байна.

 -Хонгор үрээ үнэхээр хурдан байсан. Бараг л түрүүлчихлээ гэж бодож байлаа?

-Харин тийм, гарсан цагаасаа үзүүр хүртэл өнгөлсөн. Үзэгчдийн хөл рүү орж жаахан унжчихлаа.

-Наадмын өмнөх сунгаануудад ямархуу байсан бол?

-Хүй долоон худагт хийсэн.  Сайн байсан.

-Манлай зургаан насанд хэдэн адуу уясан бэ? Сая хоёр ч соёолон үрээ зарлагдаад байсан.

-Тэгсэн. Бас нэг хүрэн үрээ их арав дотор давхиж байгаад суучих шиг боллоо.  Уг нь гурван соёолон  мордсон. Зургаан насанд нийтдээ таван адуу уясан.

-Хонгор соёолон хаанахын адуу вэ?

 -Дорноговь аймгийн Алдарт уяач Саруулбуянгийн унаган адуу.

-Дааган дээр хэдэн адуу мордох вэ?

-Нэг даага мордоно. Эрлийз дээр хоёр даага мордоно.

Баярлалаа. Хурдан хүлгийн босоо цагаан хийморь ивээх болтугай.