Баяр наадмын өмнөх ажил төрөл багатай энэ өдөр Төрийн ордонд нүүдэл суудал үргэлжилж байна. Хуучин гишүүд сууж байсан ширээнээсээ адис авчихаад ордноос гарч байгаа бол шинэхэн гишүүд дан биеэрээ шахам орж ирж өрөө тасалгаагаа хуваарилуулж байгаа юм.

Харин хуучин гишүүд бичиг цаас, ном гээд хэдэн цаасан хайрцаг “хогшил”-той ордноос нүүж, туслах, зөвлөхүүд нь түүнийг зөөх их ажилтай байна. Ордны хамгаалалтын албаныхан ч Ёс ёмбогор, төр төмбөгөр гэдгээр нүүж буй гишүүдийн хайрцагт үзлэг хийн гаргаж өгч байна.