Бүртгэлтэй ажилгүй иргэдийн тоо энэ оны зургадугаар сарын байдлаар 47.5 мянга болж, өмнөх оны мөн үеийнхээс 5.7 мянган хүн буюу 13.6 хувиар өссөн тухай үзүүлэлтийг Статистикийн үндэсний хорооноос мэдээллээ. Гэхдээ хөдөлмөрийн бирж болон дүүргийнхээ нийгмийн халамжид бүртгэлтэй иргэдийн тухайд гэхэд л ийнхүү өссөн байдал ажиглагдаж байхад бүртгэлгүй ажилгүй иргэд хэдий хэр байгааг таамаглахад ярвигтай талаар албаныхан онцолж байна.