Үндэсний их баяр наадам, Их Монгол Улс байгуулсны 806 жилийн ой, Ардын хувьсгалын 91 жилийн ойн баярын  “Цэнгэлийн манлай”  хүндэтгэлийн  концерт өнөөдөр 15.00, 18.00 цагт Соёлын төв өргөөнд болох гэж байна. Хүндэтгэлийн концертод Гавьяат жүжигчин Э.Амартүвшин “Отелло” дуурийн Ягогын ариг эгшиглүүлэх бол Төрийн соёрхолт, дуучин Д.Болд “Хээрийн салхитай аялгуу” дуугаараа хүндэтгэл үзүүлэх нь ээ. Мөн “Сүлд” чуулгын дуучин М.Ариунбаатар, ДБЭТ-ын гоцлол дуучин Ө.Уянга, Б.Эрдэнэтуяа тэргүүтэй уран бүтээлчид төрийн хүндэтгэлийн тоглолтод ая дуугаа өргөх юм байна. Энэ жилийн наадмын хүндэтгэлийн концертыг УДБЭЧ-ын найруулагч Д.Ганболд найруулж, концертын ерөнхий зөвлөхөөр Төрийн хошой шагналт, Ардын жүжигчин Н.Жанцанноров, ҮДБЭЧ-ын захирал Г.Цоггэрэл, туслах найруулагчаар Л.Болд нар ажиллаж байгаа юм.