Иргэний агаарын тээврийн “Изинис Эйрвэйз” компанийн Boeing 737-700 онгоц анхны олон улсын нислэгээ Хайнан арал руу үйлдэх гэж байна.

Хайнан арал бол амралт зугаалга, аялал жуулчлалын амар амгалан орчныг бүрдүүлсэн газрын диваажин бөгөөд Изинис Эйрвэйз компани уг аяллыг “Тэнгэр трэвэл” аялал жуулчлалын компанитай хамтран зохион байгуулж байгаа юм.

Наадмын амралтын өдрүүд айлчлахтай зэрэгцэн, газрын диваажин Хайнан аралд амрах аяллын нислэгийн суудал ердөө 4-хөн хоногийн дотор дуусчээ.

Ийнхүү Изинис Эйрвэйз компаниар үйлчлүүлэгчид, зорчигчдын хүсэн хүлээсэн Олон Улсын нислэгүүд эхлэж байгаа нь туйлын сайшаалтай хэрэг юм.

Аюулгүй байдлыг дээд зэргээр ханган баталгаажуулагч, сэтгэлд дотно найрсаг үйлчилгээтэй Изинис Эйрвэйз компанийн ээлжит шинэ олон улсын чиглэлүүд эхлэхийг тэсэн ядан хүлээж байгаа үйлчлүүлэгчид шинэ мэдээ, мэдээллийг https://www.facebook.com/eznisairways, https://twitter.com/#!/flyeznis сувгуудаар хүлээн аваарай.

Өнөөдрийн аяллын багт Изинис Эйрвэйз компанийн нисэх бүхээгийн болон инженер, техникийн хэлтсийн 8 ажилтан нийт 120 зорчигчдынхоо аюулгүй байдал, мартагдашгүй сайхан аяллынх нь төлөө үйлчлэн ажиллах болно.