Английн Лондон хотын “Hyde” цэнгэлдэх хүрээлэнд жил болгон зохион байгууллагддаг “Wireless” зуны хөгжмийн наадамд  дуучин Рианна оролцсон байна. Тэрбээр саяхан эмээгээ хорт хавдар өвчний улмаас алдсан билээ. Рианна өнгөрсөн баасан гаригт Нью-Йорк хотын Бруклинд Долли эмээгийнхээ оршуулах ёслолд оролцсоны дараа Лондон руу ниссэн байна. Тэгээд ням гаригийн орой “Wireless” зуны хөгжмийн наадмын тайзан дээр инээмсэглэл тодруулан, дуунуудаа дуулжээ.

Рианна энэхүү наадам дээр бие барьсан хар өнгийн торон хээтэй хувцас өмсөж, бэлхүүсээ гаргасан байжээ. Түүний буржгар хар үс нь бэлхүүсийг нь шүргэн намирч байсан гэнэ.  Мөн тэрбээр нэхмэл ханцуйтай тогосны өд шиг зурагтай цамц өмсөж, аварга могойн чимэглэлтэй хар малгай өмсчээ.

Энэхүү “Wireless” зуны хөгжмийн наадамд Рианнагаас гадна, Английн дуучин Шер Ллойд,  дуучин Жесси Жей,  дуучин Лабринф, Rizzle Kicks, Kaskade болон Pitbull нар оролцон дуугаа өргөсөн байна. “Wireless” наадмыг Английн загвар өмсөгч, жүжигчин Роузи Хантингтон-Уайтли болон Английн жүжигчин Жейсон Стэтхэм нар хамтран хөтөлжээ.