Их Монгол улс байгуулагдсны 806 жилийн ой, Ардын Хувьсгалын 91 жилийн ойн баяр наадмын Урианхайн харваа өчигдөр буюу 8-нд эхэлжээ. Энэ талаар chuhal.mn сайтад  мэдээлснээр Урианхайн харваанд  100-аад харваач цэц мэргэн оюун ухаанаа уралдуулжээ. Үүнээс Баян-Өлгий аймгийн Монгол Улсын мэргэн, Урианхай сурын Дархан мэргэн, Буриад сурын мэргэн М.Батгэрэл 30 сумнаас 28 онож дээд амжилтыг хоёр дахь удаа тогтоосон байна. Удаах байрыг Урианхай мэргэн Ж.Мягмар 30 сумнаас 28 онож  шалгарсан бол гуравдугаар байрыг МУ-ын аварга Х.Бямбажав 30 сумнаас 27 онож тус тус шалгарчээ. Энэ жилийн урианхай харвааны эхний таван байрт Баян-Өлгий аймгийн харваачид  шалгаран үлдсэн байна. Сурын  харваа энэ сарын 9-нд хүүхдийн сурын харваагаар үргэлжлэх юм байна.