МАХН-МҮАН-ын “Шударга ёс” эвслээс УИХ-ын сонгуульд жагсаалтаар нэр дэвшсэн Н.Энхбаяр, Э.Батшугар, С.Нарангэрэл нарыг СЕХ-ноос хассан асуудлаар тус эвслийнхэн Үндсэн хуулийн Цэцэд хандсан билээ. Сонгуулийн өмнө Цэцийн нэг гишүүн “Уг асуудлаар маргаан үүсгэх шаардлагагүй” гэсэн хариу өгсөн юм. Гэвч эвслийнхэн Цэцээс дахин хариу шаардаж байгаа юм.Түүнээс шалтгаалан тус эвслийнхэн түр үнэмлэх авсан гурван гишүүн болох Ц.Цолмон, Ц.Оюунбаатар, О.Баасанхүү нарыг тангараг өргүүлэлгүй хүлээлгэж буй. Харин өнөөдөр Үндсэн хуулийн Цэцийн бага суудал буюу гурван гишүүний хүрээнд  уг асуудлыг дахин хэлэлцэж байгаа аж.

Хэрэв тэд маргаан үүсгэн хэлэлцэх үндэслэлтэй гэж үзвэл ойрын үед дунд суудлын хуралдааныг зарлан хуралдуулах юм байна. Дунд суудлын хуралдаанаас ямар шийдвэр гарснаас шалтгаалан УИХ-д эвслээс ямар гурван гишүүн орж ирэх нь тодрох юм.