Оросын Краснодарийн хязгаарт болсон аймшигт үерээр наад зах нь 144 хүн амиа алдлаа. Бүс нутагт 320 байшин усанд живж, цахилгаан дамжуулах сүлжээнд тасалдал гарчээ. Хамгийн сүүлийн мэдээгээр Крымын районд гамшиг 96 хүнийг урсган амийг нь авч одов. Үүнээс өмнө бүсийн дотоод хэргийн яамны албанаас Крымын районд 92 хүний цогцос олдсон гэж мэдээллээ.

Үүний зэрэгцээ Геленжикийн районд есөн хүн амиа алджээ. Тэдний тав нь цахилгаан тогонд цохиулан үрэгджээ. Новороссийскт хоёр хүн живсэн байв.

Крымын  районд  усны төвшин долоон метрээр нэмэгдэн гол төлөв нэг давхар байшингуудыг живүүлжээ. Ус шөнө хүмүүсийг унтаж байхад орж ирсэн гэнэ. Оросын Онцгой байдлын яамны сайд Владимир Пучков ба Бүс нутгийн хөгжлийн сайд Олег Говорун нар гамшигийн газар ирэн хохиролыг тооцоолж, сэргээн босголтод нь туслах гэнэ.

Интернэтийн сүлжээнд эрх баригчид гамшгийн хохиролыг буруулж байна хэмээн блогчид бичив. Тэдний нэг нь гамшгийг бороо авчраагүй, усан сангийн ус буулгах системийг нээсний улмаас долоон метрийн давалгаа сууринг 15 минутын дотор живүүлсэн гэж бичсэн байна.