Дуучин Сюзан Бойл Английн телевизийн "Авьяаслаг Британичууд" шоунд оролцон "Дорд үзэгдэгсэд" (Les Miserables) дуурийн "Надад мөрөөдөл бий" дууг дуулан олныг бишрүүлсэн билээ. Түүнээс хойш нэр алдарт хүрээд байгаа дуучин Сюзан Бойл Шотландын Их Сургуулийн хүндэт докторын цолыг гардан авсан байна. Түүнийг өнгөрсөн баасан гаригт Эдинбургийн Маргарет хатан хааны Их Сургуулиас урлагт оруулсан хувь нэмэр, хөдөлмөрийг нь үнэлж энэхүү хүндтэй цолоор шагнасан байна. Сюзан Бойл энэхүү цолоо гардан авахдаа цагаан өнгийн зах болон зураастай цэнхэр өнгийн нөмрөг нөмөрсөн байжээ. Тэрбээр "Авьяаслаг Британчууд" шоунд оролцож олонд танигдсанаасаа хойш дэлхий дахинд 18 сая цомог борлуулсан байна.