Монголын үндэсний бөхийн холбооноос монгол бөхийг Гиннесийн номд бүртгүүлэх санаачилгаар 6016 бөхийн барилдааныг 2011 оны есдүгээр сард зохион байгуулж, Монгол бөхийг дэлхийн дээд амжилтад бүртгүүлсэн билээ. Есдүгээр сарын 17-нд нээлтээ хийж, ес хоног үргэлжилсэн энэхүү барилдаанд Монгол улсын өнцөг булан бүрээс бөхчүүд хүрэлцэн ирж оролцсон. Тэгвэл тус барилдаанд барилдсан 6016 бөх зурагтайгаа, нэр алдартайгаа орсон, 1-13 давааны дүйзтэй, фото зургуудаас бүрдсэн “Дэлхийд дуурссан Монгол бөх” ном хэвлэгдэн гарлаа.

Номын нээлт өчигдөр буу 2012 оны  07-р сарын 05-ны 14.00 цагт “Интер” номын их дэлгүүрт болов. Номын нээлтэд МҮБХ-ны тэргүүн Р.Нямдорж, дэд тэргүүн Д.Данзан, МҮБХ-ны тэргүүлэгч гишүүд болох улсын арслан П.Дагвасүрэн, улсын заан Д.Мягмар, улсын начин Д.Пүрэв-Очир, Төрийн соёрхолт зохиолч Д.Төрбат нарын олон зочид хүрэлцэн ирсэн байлаа. 

“Дэлхийд дуурссан Монгол бөх” номыг Монгол бөхийн өргөөнөөс 35.000 төгрөгөөр худалдан авч болох юм байна.