Говьсүмбэр аймгийн Засаг дарга Ж.Баянмөнхийн гаргасан гомдлыг өчигдөр Нийслэлийн шүүхэд хэлэлцсэн байна. Баянзүрх дүүргийн шүүхээс өнгөрсөн тавдугаар сарын 23-нд түүнд 5.1 жилийн хорих ял оноосон бол Нийслэлийн шүүхээс түүний ялыг хөнгөрүүлж, 2.6 жил хорих ял оногдуулсан байна.

Хэргийг сөхвөл, Говьсүмбэр аймгийн Татварын хэлтсийн даргаар ажиллаж байсан С.Мөнхжаргалаас хоёр сая төгрөгийн авлига авсан нь тогтоогдсон юм. Харин Шивээговь сум дахь орон нутгийн өмчит “Илчлэг шивээ” үйлдвэрийн газрыг өөрийн дотнын найздаа хувьчлахын тулд Өмч хувьчлалын комисс болон удирдлагадаа байгаа албан тушаалтнуудад хууль бус шаардлага тавьж, дарамталсан гэх үндэслэлээр буруутгаж байсан ч мөрдөн байцаалтын явцад тогдоогдоогүй юм.